Assaggio Trattoria Italiana (Closed)

見到餐廳網頁做緊優惠，網上訂星期一至五下午茶有8折兼免加一。二人埋單只需$260左右，淨係食個環境氣氛都抵。訂枱時特別request了窗口位。雖然前面是工地，但都算望到維港。擺盤精美，唔係一般的三層架，甜點、鹹點和scone分開擺。鹹點有驚喜蘇格蘭蛋很惹味，蕃茄多士和煙三文魚多士都是脆脆的，食落好香口，薯仔蛋餅就正常發揮。甜點用木盒裝住幾特別，tiramisu好軟滑。可惜其他甜品對於我口味嚟講就偏甜。 最甜嘅係carrot cupcake 同 vanilla doughnut。馬卡龍其實有兩款口味，但有一半都coat咗朱古力漿，所以只吃到朱古力的甜。Scone見到有朱古力粒，但只吃到麵粉味。不過欣賞佢哋用mascarpone cheese 代替clotted cream，感覺上會輕盈少少。另外的長條形蝴蝶酥，牛油味香平日來無咩客人，環境清靜。