Video
Read full review
2021-10-04
698 views
朋友就快離開香港，所以想喺佢飛之前食餐好嘅，呢間餐廳望到靚靚海景、價錢亦合理，係敘舊嘅好地方☺️朋友8:00就要到機場，所以5:00左右已經去食，順便傾耐啲計，因為較早所以幾乎冇人，不過可能唔係假日，就算去到7:00都無幾台客，但造就空曠清靜嘅環境😁前菜叫咗蟹肉餅($128)，主菜就要烤雞甜椒薄餅($128)同紅酒醬燴飯($138)，但好可惜嗰日冇燴飯，所以轉咗辣威士忌西梅醬豬排配薯蓉($178)，臨尾忍唔住加單要埋蘋果餡餅配雲呢拿雪糕($58)，平時去cafe都要$50-60買件蛋糕，所以都唔爭在要埋個甜品作完美句號🤪最重要係冇加一服務費，食咗咁多$500有找，而且店員嘅服務質素好好、非常友善，見到張枱唔夠位擺食物，就推埋隔離張枱過嚟，仲好有心機噉幫我哋影相😆蟹肉餅炸到好香脆，唔係預先炸定，亦食到一疏疏蟹肉，但略嫌表皮太硬、成個餅有啲薄，影響咗蟹肉嘅口感😗旁邊嘅青瓜酪梨青檸醬好清新，就咁試味會覺得淡，但配埋蟹肉餅就啱啱好，唔會太濃蓋過蟹本身嘅味道👍🏻我同朋友都係厚底薄餅嘅忠實粉絲，所以有偏見地覺得pizza餅底可以鬆厚啲😛餡料有唔少蔬菜，就算好多拉絲芝士都唔會膩，而且每啖都食到烤雞，用
前菜叫咗蟹肉餅($128)，主菜就要烤雞甜椒薄餅($128)同紅酒醬燴飯($138)，但好可惜嗰日冇燴飯，所以轉咗辣威士忌西梅醬豬排配薯蓉($178)，臨尾忍唔住加單要埋蘋果餡餅配雲呢拿雪糕($58)，平時去cafe都要$50-60買件蛋糕，所以都唔爭在要埋個甜品作完美句號🤪最重要係冇加一服務費，食咗咁多$500有找，而且店員嘅服務質素好好、非常友善，見到張枱唔夠位擺食物，就推埋隔離張枱過嚟，仲好有心機噉幫我哋影相😆
蟹肉餅
$128
16 views
1 likes
0 comments
蟹肉餅炸到好香脆，唔係預先炸定，亦食到一疏疏蟹肉，但略嫌表皮太硬、成個餅有啲薄，影響咗蟹肉嘅口感😗旁邊嘅青瓜酪梨青檸醬好清新，就咁試味會覺得淡，但配埋蟹肉餅就啱啱好，唔會太濃蓋過蟹本身嘅味道👍🏻
烤雞甜椒薄餅
$128
13 views
0 likes
0 comments
我同朋友都係厚底薄餅嘅忠實粉絲，所以有偏見地覺得pizza餅底可以鬆厚啲😛餡料有唔少蔬菜，就算好多拉絲芝士都唔會膩，而且每啖都食到烤雞，用料充足😚
辣威士忌西梅醬豬排配薯蓉
$178
16 views
0 likes
0 comments
豬排雖然煎得夠香，但略嫌有啲過火，肉質較硬、唔夠彈牙，要連同周圍嘅肥膏食先會平衡啲☹️醃椰菜做得好好，調味啱啱好，酸酸甜甜咁會食到上癮🤣薯蓉幾滑，唔會話落咗太多牛油或忌廉搞到好膩，不過應該加咗木薯粉，所以食起會有拉住拉住嘅感覺，個人嚟講唔太鍾意，反而想食到薯仔原本嘅質地🙈
蘋果餡餅配雲呢拿雪糕
$58
20 views
0 likes
0 comments
蘋果餡餅係即叫即做，啱啱焗起熱辣辣又酥脆，尤其是邊邊嘅位置特別好味，所以等待都係值得嘅😝蘋果煮到夠淋夠入味，加埋酥皮甜度啱啱好，配埋凍冰冰嘅雪糕就更正😋不過酥皮可以厚少少，中間部分俾蘋果整淋之後，變咗一塊超薄又靭靭嘅皮，有啲影響口感😅
Post
