鳴門魚市場居酒屋 (Closed)

之前睇ig見呢間有優惠，逢星期一、二$38有迷你海膽飯，見望落都唔錯幾新鮮咁同都幾多海膽，就約埋朋友星期二去試下。一早book定枱，晚市6點開始，早去唔洗點等位，一到7、8點出面就好多人等位，好彩我地有book到枱。$38迷你海膽飯-一人可以叫一個，另外要叫一款野食。海膽飯比預期中吸引，用加拿大海膽，味道鮮唔苦澀同腥，自己一個食一碗好滿足好邪惡！冇睇佢細細碗，都已經足夠，唔係會食唔落其他，$38物有所值！帶子壽司$38 三文魚腩壽司$30 甜蝦壽司$48 火灸三文魚軟殼蟹卷$108魚生都好新鮮，壽司飯適中唔會太熱同硬。三文魚卷份量夠，好食！整體嚟講都唔錯。