林洪記

Open Now

Now Closed

一星期媽咪總有一晚突然想出街食唔煮飯，咁我明白嘅，我就主動問媽咪咁你想食咩我同你去食啦！佢話未食過蒸氣海鮮火煱，我話咁我明白了。我就找左 （林洪記），因上網d人介紹好抵食，來到街市樓上座低食幾有以前的風味，價錢真係幾抵喎，200幾蚊，有蒸海鮮，食完再打邊爐，火煱料都有幾多選擇，仲要汽水任飲，係支裝可樂。講一講個蒸海鮮，有龍蝦， 扇貝，鮑魚，聖子，桂花蚌 ，蝦， 牛肉，蟲草花雞，呢個價錢食到以上海鮮真係超值，最重要係夠新鮮， 不過記得要自己控制時間，蒸過頭就冇咁好食架。我和媽咪蒸的時間剛好，所以龍蝦都好彈牙好味。 呢到食完蒸海鮮就即打邊爐，配料都好多。我最欣賞佢呢到竟然有炒蟹，仲要炒得好惹味搞到我食左兩碟。總結抵食。