康記菜館 (Closed)

🏖最近放假去長洲食大魚蛋同Cafe 之外，夜晚唔少得食海鮮作結。一貫作風係會去長洲碼頭左邊直行嘅海鮮舖，有好多選擇，當中試過幾間。今次第一次食呢一間食物質素不過不失👌🏻，店主服務同態度都友善，同埋多人幫襯，亦係少有嘅海鮮菜館會播緊Viutv 。 我們選擇咗3 款海鮮加油菜嘅套餐$268，加上天氣超級熱，飲返枝裝可樂同罐裝忌廉即刻舒服唔少。 🦐白灼海蝦份量唔算好多，但色澤係鮮橙色，食落彈牙，都幾新鮮。 🦀薑蔥炒蟹 望落幾大碟，味道唔會太鹹，食得出鮮甜嘅味道。雖然呢款蟹唔算多肉，但係價錢相對便宜，性價比還好吧。如果蟹鉗有剪開就更好。 🥢豉椒炒蟶子超多蟶子，唔會完全分開哂啲殻同肉炒，會俾足料。醬汁唔會太濃味，唔使送飯都可以。 大多蟶子都係爽口，但係有部分有少少沙，質素尚可接受。 🥬附送通菜，其實仲有生菜、菜心好多蔬菜選擇。💓整體價錢比市區抵食唔少，因此要求亦唔會咁多。整體係不過不失，比上次食嗰間已經好唔少，係食得飽嘅一餐。康記菜館🇭🇰長洲北社海傍道11A地下