真姐港台美食

Open Now

Now Closed

觀塘駱駝漆有好多工廈美食😋最近發現開左間港台小食店，小食種類都幾多，有蛋餅、鹽酥雞、刈包、魚蛋燒賣、撈麵同牛雜都有🥰炸豬頸肉 超推介呢個，一盒有好多豬頸肉，因為即炸嘅關係所以都要等一陣。炸到金黃色，咬落去好香口，仲有肉汁，外脆內軟🥰 調味亦都啱啱好，會再買黎食。🥹花枝丸見到有人叫花枝丸好大粒，我都唔執輸。一盒有八粒，同樣係即炸，食嘅時候仲好熱。入面真係有花枝粒，幾彈牙，好好食。😋撈麵配芝士腸除咗台式小食仲有港式小食，佢地嘅撈麵可以配唔同配料，有魚蛋、燒賣等等，我就揀咗芝士腸，麵底好食，唔會煮到好淋。燒賣 佢地嘅魚肉燒賣好大粒，蒸得啱啱好，幾煙韌，最特別係加咗xo 醬，好惹味。