十三少 (Closed)

好似都有一段時間冇食川菜，前兩日就同朋友嚟咗呢間西環新開嘅十三少食川菜Lunch。滋味2人套餐$338呢個二人套餐都幾抵食，有白飯兩碗、涼菜三選一、主菜二選一同埋小菜二選一。涼拌土豆絲酸酸地辣辣地嘅涼拌土豆絲好開胃，作為開胃小菜一流。十三少酸菜魚好大盤酸菜魚，見到都呆左。酸菜湯底係每日新鮮熬起嘅，味道香濃，酸酸地，唔會好辣。魚嘅份量好多好滑嫩，食落唔腥。川味口水雞口水雞配上芝麻好香。雞皮爽脆，雞肉嘅雞味重，麻辣味夠但唔會過辣。紅糖糍粑+$28呢個必食，加$28就有得食好抵。糍粑炸得外層香脆，內裏軟糯，點埋微甜嘅紅糖醬汁好好食。