新宏利粥湯飯

Open Now

Now Closed

尼間係專食湯飯，但今次叫粥品食。有冷氣夏天坐住食舒服。食物亦好快送上。假日午市，坐滿哂人。魚腩粥($40)，魚腩肉滑，骨大條，方便食。魚腩量亦多。粥綿，量多，加入薑絲、蔥等簡單調味，已經好好食。重點熱辣辣，暖入心。牛脷酥腸粉($21)，平時食得多炸両，第一次食腸粉包牛脷酥，原來又幾夾。腸粉皮屬厚，米味重，牛脷酥脆脆，內軟，配甜豉油食，亦好味。綠豆沙，估唔到好多渣，完全唔係水浠浠既狀態。不過略甜。聽到隔離枱落order，原來可以雙拼紅豆沙。燒賣，過下口癮。魚味重，唔會成口粉漿既感覺。整體，簡單既粥品，但好考功夫。要整得好食，一d都唔容易。