御前牛盛日式涮涮鍋 (Closed)

一到冬天～ 唔係火鍋就放題～ 冬天真係一個養豬既季節～ 放工無野做，搵埋鐵腳K 去食新店～ 旺角區，火鍋放題，8:30pm , 埋單180都唔使一位～ 真係唔知邊到搵～ 6張紙任點任叫～ 都多野食～十幾款湯抵任選～ 我地揀左中華雞煲小辣～丸類係自助任夾架！ 飲品自助拎任飲！第一次見放題仲有罐裝利賓納仔仔飲！目測超過十款飲品～ 唯獨無啤酒。款式都好多，牛丸、墨丸、獅狗、腸仔、墨汁丸、魚旦。。。好多款～ 醬料都係自助！特別一提，佢地竟然有 炸乾蔥、一支浙醋同埋一支既韓國醬油比你揀！出面未見過～ 作為醬怪既我，我覺得呢度真係加唔少分丫！魚件鮮甜無骨～啖啖肉 蜆上台時都有微弱郁動，都鮮甜竟然有海參，第一次見放題有海參～ 最愛食海參美國進口牛肉片，呢個有咬口，夠肉味～加拿大牛肩胛肉片，偏薄，淥兩下就食得，唔好太耐～ 鮮甜。超級推薦赤蝦同甜蝦同埋三文魚！ 赤蝦大大隻好爽甜，真係唔夠喉～會瘋狂想order! 甜蝦亦夠鮮甜，我都翻叫左三轉三文魚雖然油脂唔算多，但勝在鮮～ 呢個都叫左三轉～ 佢地雞煲係杰身汁，味夠濃，夠惹味，雞亦夠大件味都ok ！我地亦仲加左好多唔同配料，蓮藕、蕃茄、蘿白、冬菇、厚切午餐