廿一前 (Closed)

好耐冇食過火鍋放題，行完街黎到呢間環境幾好，又坐得舒服嘅餐廳慢慢享用晚餐都係一個唔錯嘅選擇😊湯底揀咗鴛鴦煱，一邊係櫻花蝦龍蝦湯，面層鋪滿櫻花蝦，加上香濃嘅龍蝦湯，所有海鮮放係呢邊就啱晒另一邊揀左養生花膠雞湯，好足料，有雞，花膠，杞子同埋蔬菜，其他肉類會放係呢一邊自助區有沙律🥗及熟食前菜，仲有各式各樣嘅配菜同埋丸類前菜送新鮮刺身拼盤一客➕泰式生蝦配秘制醬汁一客刺身有三文魚、墨魚、劍魚、赤貝、北寄貝、蠑螺片，我比較鍾意鮮甜嘅北寄貝加赤貝，生蝦都好爽口每台會送一客海鮮拼盤，有虎蝦、蟶子肉、墨魚、盲曹魚片，虎蝦好新鮮好好味😋仲有任食美國特選牛肉、特選豬肉、特選雞肉，牛肉好香，唔會韌，豬肉同雞肉都唔錯炸物方面，推介炸蝦同埋雞軟骨串燒肉就比較喜歡牛肉串，薄燒牛舌串同埋金菇肥牛卷 飲品有兩個雪櫃嘅汽水供應，甜品有雪糕加雪條，特別推介海鹽雪糕，粉藍色好靚，仲幾好味添💕