Video
Read full review
2017-12-29
56 views
呢四個火字，都同朋友研究左好一陣子。究竟點讀，最終都係要上網搵答案，仲順便查埋三個火三個金嘅讀音lol。呢間燚火鍋位於九龍城，咁我地之前都已經有朋友黎過，今晚涼涼地，就約左幾個朋友過黎打邊邊🤟🏻火鍋店地方唔算好大，有七、八張枱，主打海鮮、刺身、靚牛、手打丸。湯底本身有十幾款可以選擇，我地今晚揀左胡椒豬肚雞(半隻)，貪大家本身都鐘意飲呢個胡椒豬肚湯，飲完暖身👍🏻酸菜酸度很足，胡椒又辣辣地，加上雞件俾足半隻，仲要大隻果隻，飲完湯有雞食，呢個湯底148都幾抵。另外叫左碟本地手切牛(大)，牛肉賣相唔錯，油花紋理都好清晰，食落又腍又滑。略嫌牛味爭少少，但以呢個價錢，都係抵食。呢度本身有個主打嘅海鮮set，今日我地就冇試到，有機會可以試，因為睇落都好抵，有5款海鮮都係98蚊位。另外我覺得佢地嘅手打丸系列，都好出色。有四款口味可以加10蚊點：白松露、黑松露、麥提沙、芝士。咁我地就揀墨魚丸配麥提沙、蝦丸配芝士。麥提沙入饌，糯米糍就聽過，所以覺得好特別。墨魚丸好彈牙，一口咬落麥提沙都有爆出黎，食落係甜嘅，可以接受👌🏻芝士蝦丸就好多地方都有，但呢間嘅芝士係成條必出黎，比較杰身，所以芝士味真係好濃，好食。蝦
火鍋店地方唔算好大，有七、八張枱，主打海鮮、刺身、靚牛、手打丸。湯底本身有十幾款可以選擇，我地今晚揀左胡椒豬肚雞(半隻)，貪大家本身都鐘意飲呢個胡椒豬肚湯，飲完暖身👍🏻酸菜酸度很足，胡椒又辣辣地，加上雞件俾足半隻，仲要大隻果隻，飲完湯有雞食，呢個湯底148都幾抵。
另外叫左碟本地手切牛(大)，牛肉賣相唔錯，油花紋理都好清晰，食落又腍又滑。略嫌牛味爭少少，但以呢個價錢，都係抵食。
呢度本身有個主打嘅海鮮set，今日我地就冇試到，有機會可以試，因為睇落都好抵，有5款海鮮都係98蚊位。
另外我覺得佢地嘅手打丸系列，都好出色。有四款口味可以加10蚊點：白松露、黑松露、麥提沙、芝士。
咁我地就揀墨魚丸配麥提沙、蝦丸配芝士。麥提沙入饌，糯米糍就聽過，所以覺得好特別。墨魚丸好彈牙，一口咬落麥提沙都有爆出黎，食落係甜嘅，可以接受👌🏻
芝士蝦丸就好多地方都有，但呢間嘅芝士係成條必出黎，比較杰身，所以芝士味真係好濃，好食。蝦丸都好足料，因為食落好彈牙，又夠新鮮。
粟米餃個人認為都可以介紹下，都幾大粒，裡面係豬肉、粟米，豬肉肥瘦半半，幾鮮味👍🏻可能我自己都幾鐘意食粟米餃，我覺得可以試下啊，店員話係新鮮包起嘅呢。
其他例如潮洲魚蛋、響鈴、菜等，都係正常水準。菜都幾新鮮。整體黎講，今晚每人兩舊幾水，都值得回頭。
Post
