日牛涮涮鍋專門店 (Closed)

好耐都無食過日牛涮涮鍋，今日突然諗起好想食，所以放工就同男朋友去食。我覺得食呢類火鍋好方便，因為係一人一鍋，所以每個人可以選擇自己鍾意的湯底，而且岩晒人數唔多但係又想食下火鍋的人。然後每個人都有個大碟可以出去自助bar拎其他唔同配料，都算幾多選擇。牛肉有4款可以選擇，揀好之後就可以坐定定慢慢食，因為係all you can eat，所以絕對可以食到飽先走，90分鐘限定時間亦都好夠。二百幾蚊就可以食到日式火鍋都幾抵，而且最好既係每個人根據自己想食幾多去拎幾多，咁就唔會咁容易食唔晒而浪費啦。