老鍋台式火鍋 (京都廣場) (Closed)

今日凍凍地，lunch去咗打邊爐。見到啲間有二人餐，就上咗去食。我地揀咗「老鍋」首創的美人鍋，個湯底好正，好足料，用上原隻新鮮烏雞，再配上杞子、南棗、桃膠，味道濃郁香甜。所以揀咗白飯，加埋湯一齊食。職員都好有禮貌同貼心，行過黎提醒我地隻雞要再煮多陣先食得。隻雞嫩滑多汁，完全唔會煮到好老。二人餐仲包埋一碟雪花肥牛，賣相好靚，份量好多。丸餃拼盤：台式蛋餃、魚皮餃 、墨魚丸同貢丸，每樣兩粒。新鮮蔬菜盤：金菇、娃娃菜、鮮菇、生菜 加上啲菜另外配料區都好乾淨衞生。總括黎講，份量好多，好食又抵食。