御老鍋台式火鍋 (Closed)

呢日同好耐冇見既朋友去左尖沙咀打邊爐，我哋揀咗下午茶呢個時間去，因為呢度有好抵食嘅下午茶set，一大盤火鍋料包湯底，仲送埋飲品，先至$398。首先我哋就配好醬料。鍋底方面，我哋揀咗蕃茄薯仔鹹排骨鍋，湯底清清地，帶啲蕃茄香。肉類方面，有手切肥牛同埋羊肉片，厚薄適中，肉味香濃。海鮮就有海蝦同埋大元貝，都幾新鮮。另外仲有好多配菜，有兩款丸、餃子、鴨血、芋絲、蛋餃等，好豐富。蔬菜有金菇、秀珍菇、娃娃菜同生菜，夠晒健康。飲埋呢杯菊花茶就可以清熱解毒。