船長意法日餐廳 (Closed)

秋風起既季節又諗起打邊爐啦！打邊爐真係食極都唔厭呀！今次又約左幾個朋友去元朗試下唔同舖頭既火鍋放題，上網睇到呢間都好似幾好大部分都好評，所以就揀左呢間船長火鍋試一試。我地一行四人叫左$198既餐，食美國肥牛加爐端燒。叫左個冬瓜柱貝雞鍋，原件冬瓜上整個鍋底都好鮮甜。肥牛任食加出面啲野，而串燒就送一轉，另外叫就再加錢。肥牛質素還可以，串燒腌製入味都唔錯。食物款式都多樣化，有前菜沙律，有熟食，有丸類，有蔬菜類等，比想像中多野食。送海鮮併盤有海蝦，鮑魚，蜆，脆肉鯇魚片，海鮮都算新鮮。海蝦都幾爽口，鮑魚都好彈牙。甜品有奶凍、豆腐花，另外雪糕Haagen-Dazs仲有韓國雪條。