Video
Read full review
2022-05-28
1486 views
今日同朋友去旺角行街，揀咗呢間火鍋放題做lunch，佢有唔同level可以揀嘅，我哋就揀咗 第二高嘅level，都已經包咗好多唔同嘅牛肉豬肉同雞肉，可仲有自助吧任夾。 入到去估唔到裝修好靚，地方好闊落，飲品櫃有好多唔同嘅飲品，最驚喜既係佢竟然有最近新出教主代言嘅OOHA氣泡水，重要所有味都齊曬㖭，出去便利店買一罐都起碼要十蚊左右，所以喺度飲真係飲幾個都可以回本喇。他首先會送一個仙氣飄飄嘅牛肉拼盤，裏面有齊牛小排，牛五花，安格斯牛板腱，同埋安格斯牛頸脊，可以畀我哋試下鍾意邊款肉之後再落單。其實呢四款肉肉質都好好好，軟淋唔會韌。我最鍾意嘅就係牛小排，牛味最濃。所有嘅肉類海鮮等等可以經過q r code落單 ，方便又快捷，而自助吧嗰度有好多唔同嘅丸嚟揀，常見嘅芝士丸，蟹籽丸，貢丸等等都一應俱全。菜類都係好多款，最特別係仲有蟲草花，可以揀係我平時最愛食嘅火鍋配料之一。另外仲可以有一啲熟食可以食，包括有一個芝心炸豬扒 ，質素其實同出面嘅小食店差唔多。炸魚皮都係可以任夾嘅 ，差啲唔記得講湯底，我哋係叫咗壽喜燒湯底。我原本以為佢會好似其他火鍋店咁就係一個壽喜燒醬汁嘅湯底，但係佢會配埋日本蛋，所以成件
入到去估唔到裝修好靚，地方好闊落，飲品櫃有好多唔同嘅飲品，最驚喜既係佢竟然有最近新出教主代言嘅OOHA氣泡水，重要所有味都齊曬㖭，出去便利店買一罐都起碼要十蚊左右，所以喺度飲真係飲幾個都可以回本喇。
他首先會送一個仙氣飄飄嘅牛肉拼盤，裏面有齊牛小排，牛五花，安格斯牛板腱，同埋安格斯牛頸脊，可以畀我哋試下鍾意邊款肉之後再落單。其實呢四款肉肉質都好好好，軟淋唔會韌。我最鍾意嘅就係牛小排，牛味最濃。
所有嘅肉類海鮮等等可以經過q r code落單 ，方便又快捷，而自助吧嗰度有好多唔同嘅丸嚟揀，常見嘅芝士丸，蟹籽丸，貢丸等等都一應俱全。
菜類都係好多款，最特別係仲有蟲草花，可以揀係我平時最愛食嘅火鍋配料之一。另外仲可以有一啲熟食可以食，包括有一個芝心炸豬扒 ，質素其實同出面嘅小食店差唔多。炸魚皮都係可以任夾嘅 ，差啲唔記得講湯底，我哋係叫咗壽喜燒湯底。我原本以為佢會好似其他火鍋店咁就係一個壽喜燒醬汁嘅湯底，但係佢會配埋日本蛋，所以成件事加埋仲正。好欣賞佢嘅係加湯嘅時候係加返一樣濃度嘅壽喜燒湯，所以只會越食越濃，唔會越溝越淡好欣賞呢一點。
另外我哋都叫咗蝦滑，好好食，食得出裏面有粒粒嘅蝦，牛滑都唔錯，可以食到啖啖肉。
食到最後仲有甜品送添，整體嚟講真係幾好，坐得又舒服！
Post
