粵舫老趙

Open Now

Now Closed

鍾意炒餸食飯既話，可以試下呢間小炒煲仔菜。雖然係開放式大排檔，但室內冷氣都夠，唔會好熱。只係想食就要好早排定隊。小炒皇足料有鑊氣，蝦乾魚仔乾爆得幾香，加埋韮菜花同菜甫，口感爽脆惹味，仲有燒肉絲同蝦，口感豐富，餸飯一流，必食推薦。蜜椒薯仔牛柳粒好香，牛柳粒唔算太韌，味道香濃，薯仔炸過配埋醬汁，入口甘香，成碟野都好大份。椒鹽海蝦除左有一兩隻唔太新鮮，其他肉質都正常，不過無乜蝦味，靠外層椒鹽味道，唔算太咸，都幾香。馬拉盞通菜上菜好香香，咸香又脆，餸飯一流。魚香茄子煲夠晒鑊氣，茄子連肉碎加汁撈飯食，非常惹味。