傑伊鳥餐廳

Open Now

Now Closed

去南丫島最重要就係望住海景、享受美食，榕樹灣有各國餐廳，揀唔落就隨便嚟咗呢有外國同本地人嘅Bar🙈雖然我唔飲酒，但見到啲特色飲品都幾吸引，行咗咁多山最好就係飲返杯甜甜地又凍冰冰嘅奶昔，coffee milkshake比水果milkshake少見，所以就叫咗杯嚟試試😆另外叫咗炸魚薯條，因為$60好抵食，其實餐廳可能都要$90 up🤭如果坐吧枱仲可以睇住職員沖嘢飲，唔洗10分鐘就整好杯奶昔，對比熱食唔算平($50)，不過賣相夠吸睛，忌廉鋪滿表面，仲有把遮仔做裝飾，附上糖漿可以按個人喜好加入，本身唔鍾意太甜所以幾欣賞呢個安排👍🏻一開始唔攪勻唔加糖漿試飲啖，已經好好飲，雖然係奶昔但咖啡味香濃，少少苦澀味都無，又唔會成浸奶精味，好啱啲唔想飲太濃咖啡嘅人，加1/3糖漿再撈埋忌廉就令飲品更昇華😋大約10分鐘左右炸魚薯條就嚟到，實物比相更加吸引，炸魚唔係常見一大塊嗰種，但食起嚟脆皮同魚肉比例更好，粉漿夠薄身，魚肉嫩滑多汁，而且新鮮炸起所以食到最後都仲係熱辣辣，大約有6塊手指咁長、2cm粗嘅炸魚，份量幾足🥰薯條就失色少少，唔係好脆同埋唔夠味，平時唔鍾意點醬食都要加啲茄汁🥫見老闆都有啲熟客，相信本地人都會