Video
Read full review
2017-12-10
290 views
今日去到元朗，試左附近一家新開嘅茶飲店之後，排左一輪隊，已經不知不覺到左晚飯時間，天氣涼涼地，當然係最適合食雞煲/烤魚呢啲熱辣辣，暖粒粒嘅野，近近地揀左傷心酸辣粉，平時都係食lunch多，印象中食過一次晚餐，不過果次冇點烤魚。餐廳位置唔算好多，我地入座時間尚早，唔算好多人，但坐左無耐之後，都爆場，話哂星期六，客人多啲都好合理，我就暗至歡喜，好在早一步入座。講明傷心酸辣粉，當然係食啲酸辣野，佢地餐牌都幾豐富，不過我都係俾門口易拉架嘅套餐吸引入黎。二人套餐有雞煲/烤魚，配埋幾款火鍋配料都係$188/$238，本來當然係眼闊肚窄，仲擔心會唔會唔夠食，我地點左烤魚，飽到上心口呀，啲配料都食唔哂，好抵食，三個人都足夠。此外，仲有涼拌、小食、粉麵等套餐，價錢都唔貴，鐘意食辣嘅一定啱食香辣烤魚套餐 $238/2人首先有原條烤魚，然後喺A-D火鍋配料各選一款，例如A有肥牛、豬肉卷、花枝丸等；B有腸仔、芝士腸、豬紅等；C有生菜、金菇、雲耳等；D主要係麵食，可以揀薯粉、米線、小寬麵或者飯。單點烤魚價錢係$188，其實套餐都抵嘅，加左50蚊就可以揀埋配料，而且跟餐加飲品都有優惠價啦。所以一定係揀套餐烤魚一上
講明傷心酸辣粉，當然係食啲酸辣野，佢地餐牌都幾豐富，不過我都係俾門口易拉架嘅套餐吸引入黎。二人套餐有雞煲/烤魚，配埋幾款火鍋配料都係$188/$238，本來當然係眼闊肚窄，仲擔心會唔會唔夠食，我地點左烤魚，飽到上心口呀，啲配料都食唔哂，好抵食，三個人都足夠。
此外，仲有涼拌、小食、粉麵等套餐，價錢都唔貴，鐘意食辣嘅一定啱食
香辣烤魚套餐 $238/2人
首先有原條烤魚，然後喺A-D火鍋配料各選一款，例如A有肥牛、豬肉卷、花枝丸等；B有腸仔、芝士腸、豬紅等；C有生菜、金菇、雲耳等；D主要係麵食，可以揀薯粉、米線、小寬麵或者飯。單點烤魚價錢係$188，其實套餐都抵嘅，加左50蚊就可以揀埋配料，而且跟餐加飲品都有優惠價啦。所以一定係揀套餐
烤魚一上枱非常吸引，因為好足料呀，除左原條魚，裡面仲有雲耳、大豆芽、雲耳、豆卜、金菇等配料，好抵食我地點左少辣，覺得啱啱好，因為會愈煲愈入味。烤魚大大條，啖啖肉，魚肉嫩滑，冇泥味，而且骨唔算好多，成條魚係好大條，所以我話三個人都夠食
其他配料唔洗講都知會非常入味，特別係豆卜、豆芽呢啲，食烤魚必備，夠哂入味。至於跟餐嘅配料我地揀左肥牛、腸仔、大豆芽同小寬麵，講真如果兩位食，就不妨等上齊菜先決定需唔需要再加野食，因為本來我地都怕唔夠食，結果飽到食唔哂啊。
肥牛共十片，係就係肥左少少，但質素都唔會太差；大豆芽份量多；腸仔四條；小寬麵大量，夠入味，好好食
另外等緊烤魚上枱時我地點左兩款小食，食住等（唔係等左好耐就上枱），分別揀左蒜蓉小黃瓜($28)同埋黃金花枝丸($34/6粒)。
小黃瓜揀左bb辣，所以辣度唔高，幾爽脆，又開胃。花枝丸彈牙，又夠熱辣辣
總結兩個人食左三百零蚊超飽，仲要食唔哂，有點浪費，下次唔會眼闊肚窄，點個二人餐，人均百零蚊，抵到爆。
啊，值得一提係，呢間分店嘅店員都好有禮，而且好有耐性，我地就覺得好滿足喇。
Post
