旺旺烤活魚 (Closed)

以前屋企人個輩好興食油麻地花園酒家，不過原來最近入面仲新開咗旺旺烤活魚，開業近半年，裝修用咗奪目嘅霓虹燈同吉他、唱片等作裝飾設有4人雅座適合聚會暢談，感覺上無乜時間限制，唔使趕住食。 烤魚優惠套餐 ＄368平時食開嘅餐廳一條魚都值$250起跳，但估唔到呢個價錢包咗烤魚鍋或雞煲、肥牛或黑豚肉、田園拼盤同薯粉或烏冬。🐟招牌烤鉗魚魚肉十分嫩滑，魚肉上枱時已攤開咗兩邊， 方便食，亦無細骨。酸菜湯底幾開胃，莞茜、酸菜、白蘿蔔片同豆卜吸收啲湯汁，仲可以趁早加入有嚼勁嘅紅薯粉，可以盡早索味。🥩黑豚肉口感係似用來炒菜嘅肉片🤣，比較厚身，同平時打邊爐嗰款唔同。🥬田園拼盤種類十分豐富，有蘿蔔、蓮藕、薯仔、油麥菜、娃娃菜。🥟手工餃雙拼自家製嘅魚皮餅同韭菜水餃，包得幾靚，餡料亦充足。🍢烤豬頸肉 $28/2串作為川菜，唔少得叫串燒，調味好濃郁，燒得帶有少少脆焦香。