漁品酸菜魚火鍋放題 (Closed)

嘩❣️好大條原條沙巴龍躉啊😻一直都好鍾意食烤魚🐟 今次約到同我一樣咁鐘意食烤魚嘅朋友去到大圍嘅漁品食烤魚二人餐～ 烤魚二人餐 ($398)包括烤原條沙巴龍躉🐟嗰度嘅龍躉來自馬來西亞東岸🇲🇾 我地二人餐條魚約1.5公斤重，已經好夠我哋兩個人食～湯底方面可選香辣味、酸菜味或蕃茄味，今次我哋揀咗蕃茄味，都有少少辣，但係好易入口唔算太辣🌶二人餐除咗油烤魚之外，都有稻庭烏冬同幾款小食～包括黃金炸魚皮、響鈴、炸芋頭，全部都好香口食唔停😻仲有蔬菜拼盤，雜菇拼盤或雜菜拼盤二選一～飲品方面🍹我地加咗$40升級杯裝梳打，只為見好大杯同打卡able🤣 我地簡咗紅柚荔枝梳打同藍柑白桃梳打～ 味道都算唔錯😋