燒烤堂

Open Now

Now Closed

近排見好多人介紹呢間燒烤🍢店，嚟開荃灣見佢有分店，一於試吓先，好彩冇令我失望，舖頭裝修日式🇯🇵風格，串燒嘅種類多到數唔晒，除咗傳統嘅款式之外，我哋叫咗幾款特別推介🤤鹽燒三黃雞腿肉🐣肉多又唔肥，肉質結實有嚼勁鹽燒原塊雞皮🐥一隻手掌咁大，雞皮燒至金黃色，入口酥脆焦糖青蘋果🍏鵝肝多士肥美鵝肝中間夾住一層酸甜青蘋果片，中和油膩感，鵝肝表面烤至香脆，入口即化🐷豚肉節瓜波板糖（附月見）燒得好juicy，蛋汁食落甜甜鹹鹹咁蟹膏飯團🍙呢個飯團係有燒過嘅，食落面頭有少少飯焦嘅感覺，同埋佢喺飯團面上面放咗勁多蟹膏，紫菜另上，夠細心🍄‍🟫牛油蒜蓉焗雜菇 食串燒唔使擔心冇菜食 叫一碟呢個個個爭住食😂 牛油同蒜蓉味超到位😋蒜蓉茄子🍆茄子煮得夠腍，搭配大量蒜蓉，非常惹味雞皮墨魚🦑滑雞皮好脆，包住厚厚嘅墨魚滑，雙重口感香草牛油包 🍞麵包鬆軟，配大大粒芝士🧀有口感，加埋香草夠晒香🐟🍚鰻魚炒飯 珍珠米煙韌，唔會乾身，味道均勻惹味，鰻魚肉份量十足