炯記燒味

Open Now

Now Closed

都好耐冇食燒味，今晚等埋老公簡簡單單點了2個撈麵加一個飯share, 食盡唔同既燒味。叉燒鵝油撈麵，d鵝油撈出黎既麵好香，加上d撈麵食入口夠爽口彈牙，好好食，叉燒半肥瘦，一層肥一層瘦，燒得焦香。煙燻燒鵝鵝油撈麵+蝦籽老公話好食，所以再點一個撈麵，果然好推介，燒鵝皮脆肉嫩，我哋係燒鵝髀，好肥美，鵝油甘香，十分之美味，再加d蝦籽，成份撈麵加添了一份咸鮮。燒味雙拼飯切雞拼脆皮燒腩仔，脆皮燒腩仔正如其名，外皮超脆，外脆內軟。以為切雞當然冇燒腩咁吸引，原來都唔係，一來雞肉滑嫩，啖啖肉，點埋d薑蔥送飯一流。我哋想每樣都試下，所以叫咗三樣其實好味都食咕好多，不過得我地2個，拎走咗d聽日帶返公司做lunch。