快靚正燒味粉麵茶餐廳 (Closed)

相信每一個香港人都會食過不同種類的燒味，特別好多時媽媽都會買燒味加餸。而我對於燒味的味道相當揀擇，但今次食到呢間燒味店認真味道真係唔錯。燒味店內有很多不同種類嘅燒味，叉燒、燒鵝、乳鴿、燒肉、乳豬等等真係包羅萬有。價錢方面亦都抵食，最後就叫了燒鵝、乳鴿、燒肉、叉燒。燒鵝半隻推介燒味，燒鵝皮香帶脆，肉味相當濃郁而且肉嫩多汁唔會乾身，每口都啖啖肉，唔錯。燒骨平時啲人鍾意食燒肉，但我卻喜愛燒骨。因為燒骨肉味更加香濃，而呢間燒味店嘅燒骨嘅皮十分香脆加埋燒肉一齊食真係好夾，建議加埋芥辣醬一齊食真係會食唔停口。叉燒、滷水乳鴿。叉燒揀咗肥叉燒，佢嘅脂肪令食時更加甘香，而且最重要就係肉質唔會乾送飯一流，而屋企人就鍾意佢個乳鴿，講真呢間燒味店值得再食的。