快靚正燒味粉麵茶餐廳 (Closed)

今日放平日，朋友就約我一齊去睇電腦，當然電腦梗係買到啦， 同朋友一齊往西九龍方向出發。本身諗住食西九龍中心，點知畀我發現有間燒味好似好抵食， 原來朋友一早買過，唔使諗，買啲今晚加餸。我就嗌咗燒腩仔， 本身諗住叫乳豬食，好可惜原來已經賣曬，朋友話佢乳豬值得一試。今次我就無緣份梗係試下燒腩仔，燒腩仔外皮夠曬鬆脆，當然肉汁滿載。 冇諗過性價比咁高，鬆脆嘅外皮，充滿肉汁嘅豬肉，加上肥瘦分明， 每一啖都充滿意義。 另外，我更加見到乳鴿只係50蚊一隻， 點解平時喺街度賣到咁貴， 當然都買咗一隻試一試，鹵水乳鴿夠曬入味，但係肉質依然鮮嫩，如果我住深水埗一定日日去。下次去深水埗，又有新地方，一定要再去。