大同韓燒 (Closed)

今日來到大角咀食飯，揀左呢間平平地嘅韓燒放題，價錢168一位，另加一，食足兩個鐘，真係幾抵食！呢度環境都幾好，裝修得幾靚，而且完全無油煙味，平日大概一半滿座，我地坐梳化位都好舒服。呢度係自助形式放題，好處當然係自取，唔洗下下畫紙仔，想食幾多拎幾多，我地真係食足兩個鐘冇停過調味料自助區值得一讚，非常企理，選擇都夠多，刺身、壽司啦。食食下突然加左黑松露帶子壽司，我都拎左兩舊試下。牛肉有鹽燒牛肉、牛舌、肥牛卷、牛仔骨；豬肉有五花腩、豬扒、大腸、豬頸肉；雞有雞脾肉、雞翼、雞腎、雞軟骨、仲有腸仔、芝士腸、羊扒、鴨胸添。佢地D肉類都醃過，醃得來唔會好重手，所以唔會話要狂飲野雞翼幾好食，入味。仲有多春魚。青口仲有唔少菇、洋蔥、椒等。熟食區有魚蛋、春卷、薯角等，不過唔係好熱，我地食左一轉。沙律食韓燒當然唔少得呢D配菜啦。有芽菜、泡菜；白菜，D泡菜都幾夠辣。仲有湯。跟住我地每樣拎左少少埋位，正。佢地個爐鋪左牛油紙，油份向下流，好歲係冇咁易燒燶野，而且冇咁油，不過就會燒得耐少少。整體肉類都唔錯，我鐘意包生菜食，佢D菜夠新鮮，係爽嘅。飲品一樣自取，選擇都多，一般紙包、罐裝飲品有齊。雀巢雪糕任食。仲有少量甜品