百好名宴

Open Now

Now Closed

2023年最後一日，為左獎勵返過去一年既努力，梗係要食餐好既慰勞下自己同家人，我地決定食中餐，因為可以自己揀海鮮同埋叫啲有穫氣小炒🍻我地點左前菜先：蒜蓉粉絲蒸元貝，元貝開邊上特別入味，加上鮮味豉油蒸蒜蓉粉絲，好味到停唔到口。本來想叫多碟聖子皇， 可惜一早已經賣哂。呢度最出名既係平靚正片皮鴨🦆78蚊平絕全城！廚師即叫即煮同片，份量夠3個人食，配菜有新鮮青瓜絲，大蔥絲，仲有脆卜卜既鴨皮，肥瘦均勻,掂呀！主食叫左個上湯西澳龍蝦伊麵🦞，估吾到甘大碟！龍蝦有2-3斤,出肉量十分高🤣👍最後叫左碟薯仔黑椒牛柳粒作結，臨尾仲送左紅豆沙比我地，圓滿呀！埋單HKD1111, 好意頭，新年快樂，2024仲快樂。