牛極 (雅怡居)

Open Now

Now Closed

疫情期間及餐廳防疫新措施實施之後，每個客人之間距離要相隔1.5米，入店前要量體溫。 今日相對平時嚟講， 算係少咗人， 已經食咗好多次牛極啦， 最鍾意係佢畀人白飯任加， 牛肉湯任斟， 沙律任添， 自助醬料任你試。牛柳肉 200g點菜等咗三分鐘左右 ，就有得食啦 ，同樣地上菜嘅時候大概1成熟， 牛柳肉比較少肥肉， 容易咀嚼， 吞噬， 比較少筋， 一嚿牛柳大大嚿仲要係厚切完全冇呃秤， 切開曬之後可以鋪滿曬成個石板上， 煮緊嘅時候肉汁慢慢滲出嚟。牛肩扒 180g牛肩肉比較 牛柳肉硬少少， 搭配埋炒香咗嘅蒜片味道好夾， 食牛肩肉最好食啲定係加買海上嘅醃料調味， 以及冷盤椰菜沙律更有口感， 簡單講兩種食法， 兩種牛肉， 都值得一試。推介， yummy....今日嘅牛肉湯比平日更加濃沃， 牛肉材料好豐富， 大量紅蘿蔔等配菜， 每次都要飲最少兩碗先夠喉。牛極嘅白飯有樣嘢幾特別， 可以keep住保溫加熱，但珍珠米嘅口感亦都可以保留住， 好欣賞。平日都會keep住繼續過嚟光顧，太抵食啦。