Pokka Cafe (青衣城1) (Closed)

自從舊公司由青衣搬到葵興後，我都好少會再來青衣，咁啱今日約左朋友重遊舊地行下青衣城啦，青衣城由得一期變成有一、二期，多左好多舖頭。啱晒我呢啲行街精。而加上青衣城而家有LEGO 展，如果係LEGO迷一定要去下啦。行得耐有點肚餓架要揾下野食啦，朋友就話好耐都冇食牛扒，想食牛扒要揾間有扒食餐廳，揾下揾下見到前面有見到呢期做promotion係鐡板牛扒啱晒朋友啦。 纽西蘭鐡板肉眼牛扒我地兩個都叫左果纽西蘭鐡板肉眼牛扒 + $39 配芝士薯條 + 蕃茄和牛醬 + 煙三文魚沙律，我鐘意佢上枱果牛扒得二，三成熟，可以自由選擇想果牛扒幾熟都得，同埋我勁LIKE 果芝士醬配薯條及再夾埋果蕃茄和牛醬真係超真。