牛極 (樂聲大廈)

Open Now

Now Closed

今日過銅鑼灣做完野，行過見到呢間牛極俾佢啲石燒牛肉味引左入去。話晒依家疫情原因返唔到鄉下，一入到去門口就見到部自助點餐機，真係好有日本既味道，甘就睇下佢個餐牌，有咩食先，嘩，係銅鑼灣食個Lunch都係幾十蚊，依家俾我搵到，仲有包埋白飯，沙津同湯任食任飲，對於我呢啲打工仔嚟講，簡直係福音嚟啦，仲有埋即棄既圍裙提供，唔洗彈到成身都係油，再去返工，最後慳慳地叫左個石燒牛柳食先，一上枱，塊石燒坂，係好熱既，上枱時，牛柳淨係煎到一成熟左右，想食幾成熟就靠塊加燒坂整熟去啦，甘我就喜好食生啲，塊牛柳煎到五成熟左右再加埋啲蒜蓉超香，牛柳入口好多汁，夠味，又唔硬。一個人一款又得，share食多幾款肉又得，唔食牛既仲有其他豬雞鰻魚可以做lunch，約埋同事一齊食晏或者晚餐吹下水都可以。飯桶就更加啱啦，食得出佢係用日本珍珠米，任食，即係不計成本。所以思鄉病發既時候又可以多一個選擇啦，推介多啲朋友嚟試下，講多樣野俾大家知，呢間鋪頭係港九新界都有鋪，又就腳。