MedOven (Closed)

MedOven喺上環開張咗一段時間，主打地中海菜如鷹嘴豆沙律、希臘乳酪沙律、falafel肉丸地中海薄餅等。印象中初開張時主菜都要五六十蚊，未計前菜或飲品。而家推出咗親民嘅午餐，$50左右有一盒飯／意粉同一份沙律，幫襯意欲大增。店員笑面迎人，服務唔錯。今日叫咗『肉醬意粉』同『乳酪沙律』。肉醬走比較輕怡嘅路線，調味較淡，以番茄為主。意粉唔知係咪焗嘅關係，比較淋身少少，整體味道OK。乳酪沙律係亮點，青瓜同三色椒新鮮爽脆，仲有乾香草同Feta Cheese，排毒一流。