元札幌拉麵 (宇晴軒商場) (Closed)

今晚無人煮飯，惟有一家大細落樓下食飯。樓下其實都好幾間餐廳，不過呢間門口擺咗個夾公仔機，有個細路就忍唔住行咗入去。餐廳入面座位都幾闊，我哋六點左右去到，仲有好多空位。餐牌選擇好多，而且order可以好有彈性。天氣咁熱，大家都唔太餓，就叫咗啲小食加個麵。薯仔沙律係我嘅至愛，好味又飽肚！拉麵份量都多，湯底略為鹹咗少少，溏心蛋最受歡迎，一上枱就俾人食咗我哋仲叫咗雞肉串，一份有兩串，味道都唔錯，燒雞翼有少少乾身，不過味道幾好。最後仲要咗炸雞，因為見隔離枱食，好似好吸引炸雞果然唔錯，好味過燒雞翼，皮脆肉嫩！！臨走先發現原來有廚師推介，下次要食飯團！！