三號碼頭酒吧餐廳 (Closed)

雖然lunch時間温度成34.5度，但今日忙了成朝想望海靜下，所以去3號碼頭食lunch.要先落order後找位坐，可以用八達通和cash付款，之後服務員會送餐過來。我今次叫了焗豬扒飯set lunch, 包忌廉湯+焗豬扒飯+凍飲(+$3)，忌廉湯唔稀有湯味，大大個焗豬扒飯係炒飯底，一大片豬扒切片，上層加上紅青椒絲、洋蔥絲、蘿蔔粒、薯仔粒、芝士一起焗10-15分鐘左右就熱辣辣出爐送上枱。味道方面，成個焗飯無咩重口味的調味料，淡味芝士，淡味蛋炒飯，食完唔會口渴想飲水，而杯凍檸茶又夠大杯，我個人食到好飽肚，對我嚟講這裡的食物我可接受的。能在海景餐廳食廉價餐仲可以望住個海，應該只有這裡先可以做到。