愛上米線 (香港仔中心) (Closed)

今日去開香港仔附近做嘢，又諗唔到食咩好，甘岩又比我見到前排係銅鑼灣食過既「愛上米線」，食完之後一直都念念不忘，於是再一次光顧。紅燒牛𦟌湯米線（牛骨湯）$62有5塊牛𦟌，切得唔會好薄亦都唔會好厚，而且牛味濃郁，重要紋得很軟身和入味，配上牛骨湯底，更美味。火爆肥腸拌米線 $58有驚喜😋必點之選，好味道👍🏻👍🏻👍🏻份量多，大腸厚切肥美，辣辣的青椒，配上辣辣的醬汁簡直是絕配。若然覺得不太辣，可以另外自家製香辣醬。+$18升級至套餐麻辣豬耳朵，爽口，惹味。剁椒皮蛋，配上秘製醬汁，帶少少辣味和蒜，很惹味。藤椒雞粒葱油餅 $32雞粒和蔥油餅都是分開上菜，可以卷著雞粒一起食或分開食。葱油餅即叫即整，很酥脆！藤椒鷄粒炸得香脆口。特飲+$4玫瑰咖啡，幾特別。本身以為會有玫瑰花瓣，原來是用玫瑰味汁沖製而成。芒果乳酪梳打係小編中意既飲品之一，有爆珠係芒果味，口感夠特別好味。