Video
Read full review
2020-07-11
103 views
今日去咗上環探個朋友，晚飯時間佢帶我嚟呢度食話係米芝蓮推介，間鋪頭喺嘉咸街，沿住斜路經過啲攤檔行上少少已經搵到。 我哋一人嗌咗個一人套餐，叫咗泰式炒金邊粉 ($98) 同菠蘿海鮮炒飯 ($118)，跟餐嘅小食同飲品，要咗香茅雞翼、串燒雞肉、泰式奶茶同埋泰式檸茶。餐前有個湯附送，個湯入面有冬瓜同芫茜，熱辣辣，清清地又幾開胃。 飲湯之際，各樣嘢食好快嚟到啦。雞翼香茅味都幾香，都幾好食， 不過如果個雞翼再肥美大隻啲就好啦。 個雞肉串燒都幾好食，肉質juicy鬆軟，而且個雞肉冇雪味。 個泰式金邊粉 一上碟香噴噴， 撈埋啲花生一齊食， 好開胃好食，啲蝦都幾爽口， 唔係平時出面唔好食嗰啲霉霉哋。 不過如果個金邊粉再煙韌少少就完美喇 。個菠蘿炒飯嚟喇。職員話平時係有菠蘿裝住嘅，但係而家暫時用碟上代替。 個炒飯外表睇落都唔知裏面原來有好多餸， 撈埋肉鬆、腰果、臘肉粒、提子乾、青口、蝦、魷魚同埋碎蛋 一齊食，口感好豐富! 好快就食曬啦!飲品方面，泰式奶茶個茶底同港式嘅係唔同嘅， 飲落覺得幾特別。 最後仲有甜品! 係好迷你嘅椰汁糕，味道清甜都好ok。 兩個人埋單大概二百蚊左右，喺中上環嚟講算係幾抵食，地方
我哋一人嗌咗個一人套餐，叫咗泰式炒金邊粉 ($98) 同菠蘿海鮮炒飯 ($118)，跟餐嘅小食同飲品，要咗香茅雞翼、串燒雞肉、泰式奶茶同埋泰式檸茶。
餐前有個湯附送，個湯入面有冬瓜同芫茜，熱辣辣，清清地又幾開胃。
27 views
0 likes
0 comments
飲湯之際，各樣嘢食好快嚟到啦。
雞翼香茅味都幾香，都幾好食， 不過如果個雞翼再肥美大隻啲就好啦。
17 views
0 likes
0 comments
個雞肉串燒都幾好食，肉質juicy鬆軟，而且個雞肉冇雪味。
14 views
0 likes
0 comments
個泰式金邊粉 一上碟香噴噴， 撈埋啲花生一齊食， 好開胃好食，啲蝦都幾爽口， 唔係平時出面唔好食嗰啲霉霉哋。 不過如果個金邊粉再煙韌少少就完美喇 。
19 views
0 likes
0 comments
個菠蘿炒飯嚟喇。職員話平時係有菠蘿裝住嘅，但係而家暫時用碟上代替。 個炒飯外表睇落都唔知裏面原來有好多餸， 撈埋肉鬆、腰果、臘肉粒、提子乾、青口、蝦、魷魚同埋碎蛋 一齊食，口感好豐富! 好快就食曬啦!
20 views
0 likes
0 comments
飲品方面，泰式奶茶個茶底同港式嘅係唔同嘅， 飲落覺得幾特別。
17 views
0 likes
0 comments
最後仲有甜品! 係好迷你嘅椰汁糕，味道清甜都好ok。
15 views
0 likes
0 comments
兩個人埋單大概二百蚊左右，喺中上環嚟講算係幾抵食，地方都乾淨，服務唔錯，店員有禮貌， 舖頭入面個洗手間都好企理，只係細咗少少。另外， 喺疫情期間，鋪頭安排客人入座方面做得唔錯，喺間舖唔多人嘅時候會盡量將客人隔開少少咁坐。
如果下次再嚟中上環，都會想再嚟食，下次要試下佢啲小食。
Post
