靠得住粥麵小館 (形點 II)

Open Now

Now Closed

平時成日食攞過米芝蓮嘅靠得住😗不過喺屯門店，今晚全家一齊試咗元朗新分店！多咗好多小菜選擇，家人聚餐又有新飯堂!!!前菜有醃羅白同手拍青瓜🤗2碟都好大碟，羅白大件爽脆，醋份量唔會過多而太酸。手拍青瓜清脆爽口，辣汁夠惹味🌶️🥒湯品係胡椒豬肚湯，份量好夠，可以分到6碗左右。胡椒辣度十足，夠曬暖身。值得一提入面有新鮮豬肚排骨，啖啖肉！飲完都飽飽地😗主菜馳名東江鹽焗雞，都幾大份，雞面加咗少少沙薑粉，所以本來已好香。有需要仲可蘸上沙薑汁，送飯正！再加左個白灼薑蔥珍珠蠔，珍珠蠔每粒飽滿，底下鋪咗芽菜花生，可以點魚露食，小食來講都幾唔錯👍🏻奶油金沙海中蝦❤️❤️❤️超推薦，一份有6隻蝦，全隻蝦都被咸蛋黃包包住，咸蛋黃唔會太咸，反而油香充足。成隻都脆，啲殻都咬到，方便食。底部仲有蝦片，咸黃蛋油滲左落去，勁香。叫返個菜平衡下，魚湯海味粉絲雜菜湯，湯底好香唔會過咸，入面有啲蝦乾、大片鮮魷魚、瑤柱等等。本身自己鍾意食比較林嘅菜，呢鍋好符合到我!最後就係我全家人都話好好食嘅，心肝寶貝粥，係靠得住嘅招牌粥，豬潤厚身，帶子鮮甜大片，粥底綿，大家都話正！