潮龍園

Open Now

Now Closed

今早瞓晏咗，差點忘記約咗朋友由大埔去荃灣行街，怕趕唔切，所以冇食早餐就出了門。到了荃灣，有啲肚餓，路經荃灣街市街4 7號地舖潮龍園，以為11點餐廳會少啲人，點知原來都頗多客人，我估這間餐廳的食物質素應該唔錯，於是就入去試試。餐廳大約有50多個座位，兩邊牆壁都貼上大大的餐牌，枱面亦有餐牌，方便客人選擇食物。我們叫了一碗墨魚丸河和一碗牛雜河，兩碗湯河都只是每碗$34 ，大碗夾抵食。墨魚丸湯河墨魚丸爽口彈牙，河粉幼滑，好味。牛雜河牛肚，牛腸，牛蒡，牛肺都鹵得入味及軟腍，食牛雜點少得餐廳秘製的辣椒油，食得滋味。