上海婆婆 (黃大仙中心北館)

Open Now

Now Closed

好耐冇食上海嘢，今日行過商場見到上海婆婆，咁一定要encore啦。餐廳裝修得幾靚，晚市都幾full下。兩人都可以安排細卡位，坐得好闊落。除咗晚市menu，從傳統上海嘢到川味辣嘢都有提供，好難揀TIM。可樂，叫隻可樂配辣嘢，汽水接辣一流。江南小排骨，排骨切到一口大小，先炸再燉煮。排骨肉質厚實緊致，糖醋汁酸甜惹味，作為涼菜黎講唔錯。上海小籠包（4只），即叫即蒸，送上來仲熱笠笠。小籠包皮薄肉嫩，湯汁鮮美無比，最好再點上鎮江香醋，簡直係人間美味。韭黃炒鱔糊，鱔糊已經預先脫骨，切到兩寸大小。用大火爆炒方式烹飪，好有鑊氣。鱔糊皮脆肉嫩，韭黃啱啱斷生，同埋調味偏上海香甜口味，食到停唔落口。農家小炒肉（辣），五花肉肥厚相間，切得好薄身，再落入豆瓣醬大火爆炒，逼出五花肉油脂，食落唔會好滯。調味偏香辣，唔會好辣，同埋配料豐富，有豆干，青椒等配菜，全部食曬真係超飽！