京滬佳餚 (The LOHAS康城) (Closed)

今日去康城搵朋友食lunch，朋友話有間食上海菜吾錯既，於是就去試試啦！去到門口見到有個精選午市孖寶$128, 包括有香酥烤鴨（半例）和招牌小籠包（6隻），咁抵食怎能抗拒？！香酥片皮鴨鴨皮香脆美味，沒有多餘脂肪，鴨肉嫩滑，配料有京蔥、紅菜頭、萵筍、海鮮醬、沙糖及蒜蓉。餅皮很薄，薄到有燈影效果，不禁會令人想食多幾片！招牌小籠包皮薄多汁，湯汁鮮甜，餡料份量適中，夾既時候要小心翼翼，一不小心就會整穿啊！！