組長日式放題 (Closed)

好似好耐無食過放題了，於是上網就比我搵到呢間組長日式放題，仲要喺旺角，夠晒方便。放題收費每位$188，星期五至日每位加$10。另外每晚7:30前離座或9:30後入座都有8折，限時120分鐘。呢期仲做緊6周年優惠，星期一至四正價時段惠顧，4位成人/1位半價，6位成人更係1位免費，認真抵食。呢度選擇種類非常豐富，壽司、刺身、鐵板燒、爐端燒、唐揚炸物、天婦羅、日式刷刷鍋及一品料理等等，應有盡有。黎到放題，先食刺身係常識吧，三文魚、甘蝦、帶子、馬刀貝，連比較少有嘅象拔蚌都有，刺身上檯唔需要用冰鎮住都夠凍，証明保存得妥當，唔需要浪費冰塊上碟都夠新鮮。我最愛嘅三文魚夠晒肥美，最可惜係無老婆最愛嘅北寄貝囉。跟住黎嘅係辣酒煮蜆，酒香撲鼻，味道唔算太辣，尺寸都幾大隻架，最後我地都ENCORE左佢，呢個值得推介。蒜香鐵板一口牛，蒜味夠香夠重，牛肉又有咬口。另外叫左大蝦天婦羅、鹽燒雞軟骨、吉列炸大蠔，仲有幾款串燒，其中鹽燒雞軟骨最合我心意，炸得香口又夠脆。今晚天氣仲有啲凍，我叫左個熱辣辣肥牛鍋暖一暖胃。牛肉唔算太肥，肉質夠滑夠腍剛剛好。放題除左任食當然仲有任飲啦，凍嘅有啤酒、汽水、冰綠茶、冬瓜茶等等，而且仲