The Joomak (Closed)

今日同我家男神去食韓國菜，去到行到最入面既座位，可以望住一望無際既維港景色食飯，特別賞心悅目。睇睇餐牌好多款都想食，但得兩個人所以決定叫個下午茶set加份炸紫薯芝士脆片。下午茶set好豐富，有沙律、韓式素肉飯卷、泡菜芝士豚肉三文治、甜辣炸雞、朱古力雪糕、兩杯飲品。沙律菜新鮮，加上小蕃茄配合胡麻醬，味道好fresh。泡菜芝士豚肉三文治，豚肉嫩加上泡菜帶點微辣，夾住芝士蕃茄，味道一流。甜辣炸雞雞肉嫩滑，配上甜甜辣辣醬汁，豐富味蕾。炸紫薯芝士脆片兩片紫薯夾住一大塊芝士，一咬落去半林半脆既紫薯片香甜，芝士味濃可以拉到好長好長絲，非常美味。是次消費$2xx，最入面座位可以望到維港海景，食物賣相靚又好味，值得推介。