海灣茶居

Open Now

Now Closed

餐廳環境同一般傳統茶樓有別，比人感覺好新穎，舒適，係個好適合同朋友、家人慢慢食下野，傾下偈閒聚既地方☺️今次係度叫左一個小菜同埋幾籠點心。首先係沙薑雞套餐，一人份量岩岩好。沙薑雞肉質好嫩好滑，夾埋啲汁送飯一流😎。套餐仲跟埋一碗綠豆沙，呢碗綠豆沙真係不得不讚，味道岩岩好，唔太甜好岩個人口味。點心方面，首先係蒜蓉蒸排骨，啲肉又係好滑，底下既芋頭吸哂汁，蒜蓉味好香！流沙包都唔錯，內餡唔算流心，但綿密滑順，外皮鬆軟。然後係鮑魚燒賣，餐廳可以比客人選擇揀兩粒/四粒，對於兩人用餐的客人十分友好，唔需要一次食太多，可以試多啲唔同既野，鮑魚燒賣口感豐富，燒賣大大粒，一大啖咬落去好滿足。最後再點多一碗薑汁撞奶，$10一碗無諗到味道都不錯，熱辣辣好嫩滑，薑味都好濃郁。