CUL DE SAC

Open Now

Now Closed

蘭桂坊除咗飲酒之外都有唔少隱世小店，呢間主打美式漢堡，另有芝士三文治、薄餅、沙律、小食供應。依家仲做緊優惠，$99雞翼薯條任食同酒精暢飲放題，適合同朋友仔過嚟Chill。午餐時段另有餐單，當日六點左右到訪都仲有得叫🤣 私心推介安格斯牛漢堡，手打牛，唔算好厚但勝在牛味突出且真材實料，煎緊嘅時候已經問到超級香噴噴嘅味道，果然係招牌菜。唔鍾意食牛嘅都有炸雞，雞肉調味偏清淡，嫩滑啖啖肉，麵包軟身，薯條炸至酥脆可口而且唔油膩，健身人士可以試試。輕食之選有雞卷，建議叫雞髀肉因為會更加嫩，層次感豐富，唔錯。