山景閣

Open Now

Now Closed

今日lunch去左食呢間自助餐，見佢唔算太貴就試一試。食物唔算係特別多，但係每一個種類都有，而且每人總會送4隻生蠔，好正。生蠔夠曬大隻，而且好新鮮，咁啱朋友唔鍾意食生蠔所以我就食左成8隻。海南雞亦都好正，起曬骨啖啖肉，而且每一舊都好滑，最正特別係個雞髀。冬蔭公金邊粉亦都唔錯，個湯底好濃，仲會有少少辣。我亦都好鍾意個南瓜湯，並唔係罐頭湯，而且唔會太鹹，一定要試一試。至於飲品方面亦係自助，選擇都幾多，部咖啡機入面嘅選擇真係包羅萬有，日本綠茶、牛奶咩都有。最後甜品方面款式亦都好多，蛋糕、雪糕、朱古力噴泉等等，特別要推薦藍苺芝士餅，唔會太甜或者太膩。班戟一定要試一試，佢係即叫即整所以夠曬新鮮同熱，我個人就最鍾意香蕉味，真係有一塊塊香蕉，同個班戟都幾夾，而且唔會太多cream，加埋d朱古力醬真係好正。