Video
Read full review
2020-02-28
169 views
朋友請食飯，兩個人去了食buffet，而家出去食buffet閒閒地都$6-700落樓，今次我地就揀左間比較抵食的酒店，當然地點亦會遠少少，不過都係MTR隔離，非常方便。去到先知原來疫情關係，變左即叫即煮，酒店有幾張點菜紙，食幾多叫幾多，比較衛生👍🏻👍🏻飲品就有茶、橙汁及蘋果汁，全部就自己去添。三幾百蚊就預左一定係無生蠔，不過長腳蟹都有，蟹腳大件又厚肉，有蟹肉鮮甜味，海蝦大隻爽口。刺身就剩係食左三文魚，壽司就無興趣，三文魚肥美，油脂比例適中，入口甘甜。芝士拼盤有cheddar，parmesan，金不文，芝士各有特色，parmesan就較香，cheddar咸味較重。Parma ham配蜜瓜真係完美組合，如果蜜瓜再甜d更好，ham既鹹味適中。奶油煮椰菜仔好香，椰菜仔煮得好腍。炸蠔同蠔餅都唔錯，不過蠔餅粉漿就略多。芝士焗蠔新鮮熱辣，蠔肉就細細隻。牛仔骨味道調較得幾好，洋蔥加黑椒香味都入左肉裏面。羊柳及牛肉煎至表面焦香，但牛肉略有咬口，反而羊柳肉嫩。牛油炒蝦新鮮度反而不及冷盤。甜品就試了apple crumble，麵包布丁等，前者有肉桂香又唔會過甜，後者就略欠蛋香。整體性價比都高，下次可以再食過
去到先知原來疫情關係，變左即叫即煮，酒店有幾張點菜紙，食幾多叫幾多，比較衛生👍🏻👍🏻
飲品就有茶、橙汁及蘋果汁，全部就自己去添。
三幾百蚊就預左一定係無生蠔，不過長腳蟹都有，蟹腳大件又厚肉，有蟹肉鮮甜味，海蝦大隻爽口。
刺身就剩係食左三文魚，壽司就無興趣，三文魚肥美，油脂比例適中，入口甘甜。
芝士拼盤有cheddar，parmesan，金不文，芝士各有特色，parmesan就較香，cheddar咸味較重。
Parma ham配蜜瓜真係完美組合，如果蜜瓜再甜d更好，ham既鹹味適中。
奶油煮椰菜仔好香，椰菜仔煮得好腍。
炸蠔同蠔餅都唔錯，不過蠔餅粉漿就略多。
芝士焗蠔新鮮熱辣，蠔肉就細細隻。
牛仔骨味道調較得幾好，洋蔥加黑椒香味都入左肉裏面。
羊柳及牛肉煎至表面焦香，但牛肉略有咬口，反而羊柳肉嫩。
牛油炒蝦新鮮度反而不及冷盤。
甜品就試了apple crumble，麵包布丁等，前者有肉桂香又唔會過甜，後者就略欠蛋香。
整體性價比都高，下次可以再食過。
Post
