日常素食 (Closed)

今日去搵朋友食飯，咁啱行過黃大仙，見到呢度有素食嘅自助餐，咁就來一試啦！餐廳環境都大，幾開揚。位置都易搵。雖然係素食自助餐，但種類都好多花多眼亂呀！涼拌青瓜雲耳，酸酸辣辣都幾好食。好耐冇食過蛋散啦，竟然係呢到見到，即刻夾番舊食下。仲有蘿蔔糕，齋叉燒，齋蝦餅，都一樣好好食😋傳統嘅齋一樣有，亦都有唔同煮法既蔬菜！嘢飲，有蜂蜜雪梨水、羅漢果茶亦都有西洋菜湯、薑醋蛋、腐竹薏米椰汁糖水。糖水幾好味，好有椰汁味，好香好滑！仲有水果、沙律同雪糕🍦呢個價錢有自助餐，真係好抵食！又岩曬我呢d樣樣齋都想食小小既人