饕鍋物 (Closed)

假日嘅新都城中心，周圍都係人，已經係下午一點九，但度度都要排隊等食飯。行到最尾位置，有炑八同饕鍋物，兩間舖頭門口係連埋，因為同樣係富臨集團旗下。炑八周圍都有，但饕鍋物就第一次見，原來係食台灣野，等左一陣就有位。舖頭門面位罝好大，原來入面亦都好大吓，環境舒適。有卡位，亦有高枱位。墊台紙竟然係台灣網絡紅人-那對夫妻， 「藍瘦香菇」一片大熱，個妹妹就係好攪笑。一坐低就送左兩款前菜:午市套餐只有十六款選擇，沒有單點食物。$45-$62，套餐已包冬瓜茶(冷)或黑糖薑母茶(熱)一杯，唔駛加一。揀左紅燒牛肉麵餐$62(可轉配拌麵或擔仔麵)，牛腩三大件，有兩件軟腍，有一件就較硬。麵都幾煙韌，仲配有青菜、紅蘿蔔同白蘿蔔。湯底略嫌唔夠濃味，而且只係溫熱，唔係熱辣辣。酥炸大雞扒肉燥飯餐$45(可轉配滷肉飯)，飯量很多，配左一隻滷蛋。肉燥味濃，幾香幾好食。酥炸大雞扒炸得幾乾身同香脆，唔多油。餐飲加$6可轉冷飲，加$8可轉特飲，我哋就轉左兩杯特飲。(左)華麗的冒險 - 烏龍茶同鮮奶製成，味道似台式奶茶，唔太甜。(右)潘多拉盒子 - 紫色都幾靚，係提子味特飲。兩杯都有手工藍珍珠，煙煙韌韌，靚~加$18可以有一款台