Video
Read full review
2022-11-14
24 views
最近旺角開咗呢一間好熱門嘅串燒店不過呢度最吸引我嘅係佢哋有花甲粉！平時食串燒會有啲擔心冇澱粉質落肚唔夠飽嚟呢度可以食串燒之餘，仲可以食埋花甲粉咁就唔使擔心啦！花甲粉（$56)湯底可以自選辣度，我地就揀左唔辣，佢有勁濃郁嘅蒜蓉味！我地無加配料，但佢本身有花甲、金菇、豆卜同娃娃菜，已經好豐富，份量又夠哂多，兩個人share 都ok。佢地嘅花甲好大隻又新鮮，味道鮮甜，亦都無沙無泥。好好食豆腐（$18)燒豆腐用咗硬豆腐，口感比較粗糙啲，但係豆味就非常香濃！即製芫荽肥牛串（$35)通常肥牛卷都係配金菇，但係呢度就揀咗我至愛嘅芫荽，咁又點可以唔叫呢？芫荽燒完之後香氣會更加突出，而且口感爽口，同金菇嘅感覺截然不同。燒日本年糕串，口感煙煙韌韌幾特別燒牛脷，一定要叫燒蔬菜類都好好食，唔會話好乾
不過呢度最吸引我嘅係佢哋有花甲粉！
平時食串燒會有啲擔心冇澱粉質落肚唔夠飽
嚟呢度可以食串燒之餘，仲可以食埋花甲粉
咁就唔使擔心啦！
花甲粉（$56)
湯底可以自選辣度，我地就揀左唔辣，佢有勁濃郁嘅蒜蓉味！我地無加配料，但佢本身有花甲、金菇、豆卜同娃娃菜，已經好豐富，份量又夠哂多，兩個人share 都ok。佢地嘅花甲好大隻又新鮮，味道鮮甜，亦都無沙無泥。
好好食豆腐（$18)
燒豆腐用咗硬豆腐，口感比較粗糙啲，但係豆味就非常香濃！
即製芫荽肥牛串（$35)
通常肥牛卷都係配金菇，但係呢度就揀咗我至愛嘅芫荽，咁又點可以唔叫呢？芫荽燒完之後香氣會更加突出，而且口感爽口，同金菇嘅感覺截然不同。
燒日本年糕串，口感煙煙韌韌幾特別
燒牛脷，一定要叫
燒蔬菜類都好好食，唔會話好乾
Post
