樓下冰室

Open Now

Now Closed

樓下冰室一到lunchtime就好多人，經本上都一定要等位，今晚經過，見唔算多人，就入黎試試。麻辣蕃茄湯通粉配牛乳炒蛋+招牌瑞士汁雞髀（$59）麻辣蕃茄通粉配牛乳炒蛋麻辣蕃茄湯通粉果然系特色菜，好有驚喜，湯底有好多蕃茄肉，真材實料，好濃郁嘅蕃茄味，再加埋麻辣，成個湯底酸酸辣辣，好開胃，我地飲晒成碗湯。招牌瑞士汁雞髀雞髀好大隻，食落肉質鮮嫩，唔會過老，再配埋濃濃嘅瑞士汁，好好食！華田脆脆（跟餐+$14）華田味好足，再加埋華田脆脆，非常之有口感。芝士西蘭花（$42）上枱時上枱嘅時候熱辣辣，即叫即焗，而且表面焗到金黃，賣相非常之吸引，西蘭花再配上芝士同粟米粒，味道不錯。但味西多士（$30）西多士都係即叫即炸，表面炸到金黃色，中間搽左一層厚厚嘅粗粒花生醬，絕對唔係空心西多士，推介大家可以試試。樓下冰室嘅野食價錢合理，而且好味道，唔怪之得lunch time時候都要等位，CP值好高。