Video
Read full review
2017-03-06
4569 views
老豆生日，我地今年決定唔食放題，改食蒸海鮮，辣蟹莊係媽媽星期日飲茶時候發現，佢話呢間酒家都幾抵食，晚市有蒸海鮮，見佢$188/1人，真係都幾抵，所以就試下呢個餐都幾多嘢食，當然，我地4個人，只食呢個餐應該唔夠，所以我地亦都另外點其他食物，睇佢蒸海鮮個menu，其他食物都唔係太貴，可以接受價錢呢間酒家都有個醬汁自助站，有辣椒、蒜蓉、蔥、XO醬、豉油，竟然重有蠔油，我真係未試過有蠔油美國龍蝦 - 第一時間上枱，所以就整咗佢先，每人有半隻，都幾多肉，又多膏，都幾爽口彈牙，不過就無乜龍蝦味豬肉丸 - 呢個豬肉丸蒸就唔係太好食，可能用嚟打邊爐會好啲，因為有啲似蒸豬肉餅手打鮮蝦丸 - 呢個係我地另外order，唔錯，絕對好味過豬肉丸農家三寶 - 有南瓜、冬瓜、白蘿蔔，雖然南瓜唔係好夠粉、唔係好夠甜，但係白蘿蔔勁甜，冬瓜都好好味白蜆、珍珠貝、花甲 - 一直以嚟，我同老豆都好鍾意食貝類食物，因為貪佢夠鮮甜，今次呢個餐重有齊幾款貝類，真係開心爆，白蜆無沙，花甲鮮甜，珍珠貝肥厚大蓮鮑魚、海生蝦 - 其實鮮鮑魚同生曬鮑魚唔同，食落口，一定係乾鮑好食啲，新鮮鮑魚主要係食佢鮮味，不過一定要蒸得啱啱好，如果唔係，
呢個餐都幾多嘢食，當然，我地4個人，只食呢個餐應該唔夠，所以我地亦都另外點其他食物，睇佢蒸海鮮個menu，其他食物都唔係太貴，可以接受價錢
呢間酒家都有個醬汁自助站，有辣椒、蒜蓉、蔥、XO醬、豉油，竟然重有蠔油，我真係未試過有蠔油
美國龍蝦 - 第一時間上枱，所以就整咗佢先，每人有半隻，都幾多肉，又多膏，都幾爽口彈牙，不過就無乜龍蝦味
豬肉丸 - 呢個豬肉丸蒸就唔係太好食，可能用嚟打邊爐會好啲，因為有啲似蒸豬肉餅
手打鮮蝦丸 - 呢個係我地另外order，唔錯，絕對好味過豬肉丸
農家三寶 - 有南瓜、冬瓜、白蘿蔔，雖然南瓜唔係好夠粉、唔係好夠甜，但係白蘿蔔勁甜，冬瓜都好好味
白蜆、珍珠貝、花甲 - 一直以嚟，我同老豆都好鍾意食貝類食物，因為貪佢夠鮮甜，今次呢個餐重有齊幾款貝類，真係開心爆，白蜆無沙，花甲鮮甜，珍珠貝肥厚
大蓮鮑魚、海生蝦 - 其實鮮鮑魚同生曬鮑魚唔同，食落口，一定係乾鮑好食啲，新鮮鮑魚主要係食佢鮮味，不過一定要蒸得啱啱好，如果唔係，就會好似香口膠咁韌﹔另外海生蝦都好新鮮，上枱嗰時都重郁緊(俾人用竹籤叉住都重郁……)，所以蝦肉好爽口彈牙
蟲草花蒸鮮雞 - 呢個係我另外order嘅，假腫都唔錯，唔會太肥，而且都香雞味
蒜茸肉蟹蒸飯 - 呢個簡直係全晚高潮，因為佢蒸完出嚟，食嗰時啲蟹鮮甜味全部入晒啲飯度，而且佢唔係糯米飯，唔會頂住個胃，同埋因為用炒飯底，所以比糯米更吸蟹汁
偃舊馬拉糕、黑松露餃、珍珠雞 - 呢個叫甜點都有少少過份，因為全部都好飽，但係個黑松露餃好好味，好鮮甜，入面係椰菜，所以比平常用菜苗甜
Post
